ကျမ်းစာ၏ သက်သေခံချက်

ကျမ်းစာချက်အချည်းနှီးသက်သက်ဖြစ်သည်ဟူ၍၎င်း၊ ငါတို့်၌ တည်နေသောဝိညာဉ်တော်သည် ငြူစူစေချင်
သောသဘောရှိသည် ဟူ၍၎င်း ထင်ကြသလော။ ထိုဝိညာဉ်တော်သည် သာ၍ များသောကျေုးဇူးကိုပြုတော်
မူ၏။ ထိုသို့နှင့်အညီ ကျမ်းစာလာသည်ကား၊ ထောင်လွှားစော်ကားသောသူတို့ကို ဘုရားသခင် ဆီးတား
တော်မူ၏။ စိတ်နှိမ့်ချသောသူတို့အားကျေးဇူးပြုတော်မူ၏ဟုလာသတည်း။

(ယာကုပ် ၄း၅-၆)

ကျမ်းစာချက်အချည်းနှီးသက်သက်ဖြစ်သည်…
၁။ ကျမ်းစာသည် မည်သည့်အခါမျှ အချည်းနှီး သက်သေမခံ။
၂။ သမ္မာကျမ်းစာ ပြောသမျှသောအရာတို့သည် –

က။ အမှန်ဖြစ်သည်။
ခ။ အတည်ဖြစ်သည်။

၃။ ထို့ကြောင့် သမ္မာကျမ်းစာပြောသောအရာများကို အလေးထားကြရမည်။

ငါတို့၌ တည်နေသောဝိညာဉ်တော်သည်…
၁။ သမ္မာကျမ်းစာ မည်သည့်အကြောင်းကို ပြောနေသနည်း။
၂။ ဤကျမ်းပိုဒ်အရ သမ္မာကျမ်းစာသည် အောက်ပါအတိုင်း သက်သေခံ၏။

က။ သန့်ရှင်းသောဝိညာဉ်တော်သည် အကျွန်ုပ်တို့အထဲ၌ ကိန်းဝပ်နေသည်။
ခ။ ထိုဝိညာဉ်တော်သည် ငြူစူလျက် ရှိနေသည်။

– ငြူစူစေချင်သောသဘော(ဂရိ – phthonos (သဝန်တိုခြင်း) epipotheo (တောင်းတခြင်း) တို့ပေါင်းစပ်ထားသည်။
– သန့်ရှင်းသောဝိညာဉ်တော်၏ အလိုဆန္ဒမပြည့်ဝခြင်း ဟုလည်း ပြန်ဆိုနိုင်သည်။

၃။ ဆိုလိုသည်မှာ-

က။ ဘုရားသခင်၏ ဝိညာဉ်တော်သည် အကျွန်ုပ်တို့ကို လောကီနှင့် မိတ်ဖွဲ့ခြင်းငှာ လုံး၀ အလိုမရှိပါ။
ခ။ ထိုဝိညာဉ်တော်သည် အကျွန်ုပ်တို့ကို အခြားသူတဦးဦးနှင့် မိတ်ဖွဲ့ ခြင်းငှာ နှမြောတသလျက်ရှိသည်။

၄။ ဤသို့သော သမ္မာကျမ်းစာ၏ သက်သေခံချက်သည် မည်သည့်အခါမျှ အချည်းနှီးသက်သက် မဖြစ်နိုင်။

ဤသက်သေခံချက်ကို အကောင်အထည် ဖော်သောအားဖြင့် ဝိညာဉ်တော်ဘုရားက များစွာသောကျေးဇူးကို ပြုတော်မူသည်။

ထိုဝိညာဉ်တော်သည် သာ၍များသောကျေးဇူးကိုပြုတော်မူ၏…

၁။ အထက်က သမ္မာကျမ်းစာ၏ သက်သေခံချက်ကို အကောင်အထည် ဖော်သောအားဖြင့် ဝိညာဉ်တော်ဘုရားက များစွာသောကျေးဇူးကို
ပြုတော်မူသည်။
၂။ ထိုကျေးဇူးပြုခြင်းသည်လည်း သမ္မာကျမ်းစာအတိုင်းပင် ဖြစ်သည်။
၃။ သမ္မာကျမ်းစာလာသည်ကား၊ ဘုရားသခင်သည် –

က။ ထောင်လွှားစော်ကားသောသူတို့ကို ဆီးတားတော်မူ၏။
ခ။ စိတ်နှိမ့်ချသောသူတို့ကို ကျေးဇူးပြုတော်မူ၏။

ထောင်လွှားစော်ကားသောသူတို့ကို ဆီးတားခြင်း
၁။ ထောင်လွှားစော်ကားသောသူ (ဂရိ – huperrephanos ) သည် –

က။ သူတစ်ပါးအထက်၌ ထင်ရှားလိုသောသူ၊
ခ။ မောက်မာသောသူ၊
ဂ။ မာနကြီးသောသူ စသည်တို့ဖြစ်သည်။

၂။ ဆီးတား (ဂရိ-anti-tasso) သည် –

က။ ဆန့်ကျင်သည်၊
ခ။ ခုခံသည် စသည်တို့ဖြစ်သည်။

၃။ ဘုရားသခင်သည် မောက်မာသောသူတို့ကို ဆန့်ကျင် ခုခံလျက် ရှိသည်။

စိတ်နှိမ့်ချသောသူတို့ကို ကျေးဇူးပြုခြင်း
၁။ ဘုရားသခင်သည် စိတ်နှိမ့်ချသောသူတို့ကို ကျေးဇူးပြုတော်မူသည်။
၂။ ကျေးဇူးပြု (ဂရိ-didomi + charis) တို့ပေါင်းစပ်ထားသည်။

က။ ပေးခြင်း + ဆုကျေးဇူး (မျက်နှာသာ) တို့ပေါင်းစပ်ထားခြင်းဖြစ်သည်။
ခ။ ဘုရားသခင်သည် မျက်နှာသာ(ဆုလာဒ်)ကို ပေးသည် ဟု တိုက်ရိုက်အနက်ဖွင့်ဆိုနိုင်သည်။

၃။ ဘုရားသခင်သည် စိတ်နှိမ့်ချသောသူတို့ကို မျက်နှာသာ (ဆုလာဒ်) ပေးသနားတော်မူသည်။
၄။ ထို့ကြောင့် ဘုရားသခင်သည် အကျွန်ုပ်တို့အပေါ် ကျေးဇူးပြုသောအခါ

က။ မျက်နှာသာပေးသည်။
ခ။ ဆုလာဒ်များ ပေးသည်။
ဂ။ တတ်စွမ်းစေနိုင်သည်။
ဃ။ မစတော်မူသည်။

ဤအကြောင်းခြင်းရာတို့သည် သမ္မာကျမ်းစာ၏ သက်သေခံချက်များ ဖြစ်သည်။